തിരുവനന്തപുരം : ലൈംഗീക പീഡന ആരോപണങ്ങളുടെ സാഹചര്യത്തിൽ , ശക്തമായ സമ്മർദ്ദമുയരവെ രാഹുല്‍ മാങ്കൂട്ടത്തിൽ എം എൽ എ സ്ഥാനം രാജിവെക്കണമെന്ന് കെ പി സി സിയും നിലപാട് സ്വീകരിച്ചു.
ഇക്കാര്യം കെ പി സി സി പ്രസിഡൻ്റ് സണ്ണി ജോസഫ് ഹൈക്കമാൻഡിനെ അറിയിച്ചതായാണ് റിപ്പോർട്ട് . പാലക്കാട് എം എൽ എയാണ് രാഹുൽ.
രാജി വേണ്ടെന്ന് ഉറച്ച നിലപാടിലായിരുന്നു ഷാഫി പറമ്പില്‍. രാജിവേണമെന്ന് കോൺഗ്രസിൽ നിന്നുതന്നെ ശക്തമായ സമ്മര്‍ദം ഉയർന്നു. രമേശ് ചെന്നിത്തല, കെ മുരളീധരൻ അടക്കമുള്ള നേതാക്കൾ ഇക്കാര്യം പറഞ്ഞിരുന്നു.എ ഐ സി സി നേതൃത്വം കേരളത്തിലെ നേതാക്കളുമായി ചര്‍ച്ച നടത്തിയിരുന്നു.
