തിരുവനന്തപുരം: വോട്ട് കൊള്ളയ്‌ക്കെതിരായ ലോക്‌സഭാ പ്രതിപക്ഷ നേതാവ് രാഹുൽ ഗാന്ധിയുടെ പോരാട്ടങ്ങൾക്ക് ഐക്യദാർഢ്യം പ്രഖ്യാപിച്ച് കെപിസിസി ഇന്ന് രാത്രി എട്ട് മണിക്ക് ഫ്രീഡം ലൈറ്റ് നൈറ്റ് മാർച്ച് നടത്തുമെന്ന് കെപിസിസി പ്രസിഡന്റ് സണ്ണി ജോസഫ് .
മ്യൂസിയം ജംഗ്ഷനിൽ നിന്ന് പാളയം രക്തസാക്ഷി മണ്ഡപം വരെയുള്ള നൈറ്റ് മാർച്ചിൽ എഐസിസി ജനറൽ സെക്രട്ടറി കെ സി വേണുഗോപാൽ എംപി സംസ്ഥാനതല ഉദ്ഘാടനം നിർവഹിക്കും. വയനാട്ടിൽ സണ്ണി ജോസഫും എറണാകുളത്തിൽ പ്രതിപക്ഷ നേതാവ് വി ഡി സതീശനും മാർച്ച് ഉദ്ഘാടനം ചെയ്യും.
ആലപ്പുഴയിൽ രമേശ് ചെന്നിത്തലയും , കണ്ണൂരിൽ കെ സുധാകരനും , കൊല്ലത്ത് കൊടിക്കുന്നിൽ സുരേഷും , മലപ്പുറത്ത് എ പി അനിൽകുമാറും , പാലക്കാട് പി സി വിഷ്ണുനാഥും , കാസർകോട് ഷാഫി പറമ്പിലും , പത്തനംതിട്ടയിൽ അടൂർ പ്രകാശും , കോട്ടയത്ത് തിരുവഞ്ചൂർ രാധാകൃഷ്ണനും , തൃശ്ശൂരിൽ ബെന്നി ബെഹനാനും , കോഴിക്കോട് എം കെ രാഘവനും , ഇടുക്കിയിൽ ഡീൻ കുര്യാക്കോസും നൈറ്റ് മാർച്ചിന് നേതൃത്വം നൽകും.
