മിലാൻ (ഇറ്റലി): ബാർബി പാവകളുടെ വ്യത്യസ്ത രൂപകൽപനയിലൂടെ ശ്രദ്ധനേടിയ ഡിസൈനർമാരായ മാരിയോ പഗ്ലിനോയും (52) ജിയാനി ഗോസിയും (55) അപകടത്തിൽ മരിച്ചു. ജീവിതപങ്കാളികളായ ഇവർ ടുറിൻ – മിലാൻ ഹൈവേയിൽ സഞ്ചരിച്ച കാറിൽ മറ്റൊരു കാർ ഇടിച്ചാണ്
അപകടം.
1999ൽ ഇരുവരും ചേർന്നു സ്ഥാപിച്ച “മാഗിയ2000′ സ്ഥാപനമാണ് പോപ് സംസ്കാരത്തിൽ നിന്നും ആധുനികകലയിൽ നിന്നും പ്രചോദനം ഉൾക്കൊണ്ട് വ്യത്യസ്തമായ ബാർബി പാവകൾ രൂപകൽപന ചെയ്തത്. മഡോണ, വിക്ടോറിയ ബെക്കാം, ലേഡി ഗാഗ, സാറാ ജെസീക്ക പാർക്കർ എന്നിവരുടെരൂപത്തിലുള്ള ബാർബി പാവകൾ ശ്രദ്ധേയമായിരുന്നു. മാറ്റെൽ കമ്പനിയുടെ കീഴിലുള്ള ബാൻഡിനു നൽകിയ സംഭാവനകൾക്ക് 2016ൽ ഇവർക്കു ബാർബി ബെസ്റ്റ് ഫ്രണ്ട് അവാർഡ് ലഭിച്ചു.
