കൊച്ചി: ഓരോ രൂപതയിലെയും യുവജനങ്ങളുടെ പ്രവർത്തനങ്ങളെയും, പദ്ധതികളെയും അറിയുക, ആശയങ്ങൾ പങ്കുവയ്ക്കുക, നിർദ്ദേശങ്ങൾ നൽകുക എന്നതിലൂടെ യുവജനങ്ങളെയും യുവജന പ്രവർത്തനങ്ങളെയും അടുത്തറിയുക എന്ന ലക്ഷ്യവുമായി കെ.സി വൈ.എം ലാറ്റിൻ സംസ്ഥാന സമിതിയുടെ രൂപതാ സന്ദർശന പരിപാടിയായ യുണൈറ്റ് 2k24 ന് കൊച്ചി രൂപത വേദിയൊരുക്കി…
കെ. സി. വൈ. എം ലാറ്റിൻ സംസ്ഥാന ഡയറക്ടറും കെ.ആർ.എൽ. സി.സി യൂത്ത് കമ്മീഷൻ സെക്രട്ടറിയുമായ ഫാ.ഡോ. ജിജു ജോർജ് അറക്കത്തറ, സംസ്ഥാന പ്രസിഡന്റ് കാസി പൂപ്പന, വൈസ് പ്രസിഡന്റ്‌മാരായ അനുദാസ് സി.എൽ, മീഷ്മ ജോസ് എന്നിവർ നേതൃത്വം നൽകിയ ഈ സന്ദർശന പരിപാടിയിൽ രൂപതയിലെ യുവജന നേതാക്കളുമായി ഫാ. ജിജു ജോർജ് അറക്കത്തറയും ലാറ്റിൻ സംസ്ഥാന പ്രസിഡൻറ് ശ്രീ. കാസി പൂപ്പനയും ചർച്ചകൾ നടത്തി.
കെ.സി.വൈ.എം. കൊച്ചി രൂപത ഡയറക്ടർ ഫാ. മെൽട്ടസ് കൊല്ലശ്ശേരി, രൂപത പ്രസിഡന്റ് യേശുദാസ് വിപിൻ, ജീസസ് യൂത്ത് കോ-ഓർഡിനേറ്റർ മനു ആൻ്റണി, രൂപത യുവജന ശുശ്രൂഷാ സമിതി കൺവീനർ സനൂപ് ദാസ്, രൂപതാ ജനറൽ സെക്രട്ടറി ജെയ്ജിൻ ജോയ്, സംസ്ഥാന സിൻഡിക്കേറ്റംഗം ഡാനിയ ആൻ്റണി,മറ്റ് യുവജന നേതാക്കൾ എന്നിവർ സന്നിഹിതരായിരുന്നു.
