ലെയ്പ്‌സിഗ്: യൂറോ കപ്പ് ഗ്രൂപ്പ് ഡിയിൽ നടന്ന ഫ്രാന്‍സ്-നെതര്‍ലന്‍ഡ്‌സ് പോരാട്ടം ഗോള്‍രഹിത സമനിലയില്‍. സാവി സിമോണ്‍സ് നേടിയ ഗോള്‍ വാര്‍ നിഷേധിച്ചത് നെതര്‍ലന്‍ഡ്‌സിനു തിരിച്ചടിയായി.
അതേസമയം ഫ്രഞ്ച് ക്യാപ്റ്റന്‍ അന്‍റോയ്ന്‍ ഗ്രീസ്മാന്‍ രണ്ട് സുവര്‍ണാവസരങ്ങളാണ് നഷ്ടപ്പെടുത്തിയത്. സമനിലയോടെ രണ്ട് കളികളില്‍ നിന്ന് നാല് പോയിന്‍റുമായി നെതർലൻഡ്സ് പട്ടികയിൽ ഒന്നാം സ്ഥാനത്തെത്തി. നാലു പോയിന്‍റുള്ള ഫ്രാൻസ് രണ്ടാം സ്ഥാനത്താണ്.
ഇതോടെ പ്രീക്വാര്‍ട്ടറിലെത്തുന്ന ടീമുകളെ തീരുമാനിക്കാന്‍ ഗ്രൂപ്പിലെ അവസാന റൗണ്ട് മത്സരങ്ങള്‍ നിര്‍ണായകമായി.
