കോട്ടപ്പുറം : ഫാ. റോക്കി റോബി കളത്തിലിനെ കോട്ടപ്പുറം രൂപതയുടെ വികാരി ജനറലായി ബിഷപ്പ് ഡോ. അംബ്രോസ് പുത്തൻവീട്ടിൽ നിയമിച്ചു . മുളങ്കുന്നത്തുകാവ് സാൻജോസ് ഭവൻ ഡയറക്ടർ, രൂപത പിആർഒ , രൂപത ആലോചന സമിതി അംഗം, തൃശൂർ തിരുഹൃദയ ലത്തീൻ പള്ളി വികാർ കോർപ്പറേറ്റർ, കേരള ലാറ്റിൻ കാത്തലിക് ഹിസ്റ്ററി അസോസിയേഷൻ (കെഎൽസിഎച്ച്എ) ഡയറക്ടർ എന്നീ നിലകളിൽ പ്രവർത്തിച്ചു വരികയായിരുന്നു. ഫെബ്രുവരി 9 ന് ചുമതലയേൽക്കും. മോൺ ഡോ. ആൻ്റണി കുരിശിങ്കൽ പള്ളിപ്പുറം മഞ്ഞുമാത ബസിലിക്ക വികാരിയായും റെക്ടറായും ചുമതല ഏൽക്കുന്ന ഒഴിവിലാണ് നിയമനം.
കോട്ടപ്പുറം രൂപത എപ്പിസ്കോപ്പൽ വികാരി,കേരള ലത്തീൻ സഭയുടെ മുഖപത്രമായ ജീവനാദത്തിന്റെ മാനേജിംഗ് എഡിറ്റർ, കെആർഎൽസിബിസി മീഡിയ കമ്മീഷൻ ഡയറക്ടർ ,വടക്കൻ പറവൂർ ഡോൺ ബോസ്കോ ആശുപത്രി ജോയിന്റ് ഡയറക്ടർ, ഡയറക്ടർ, ഫൊറോന വികാരി , തൃശൂർ തിരുഹൃദയ ലത്തീൻ പള്ളി വികാരി , മുനമ്പം ഹോളി ഫാമിലി പള്ളി വികാരി, കോട്ടപ്പുറം രൂപത ഹെറിറേറജ് കമീഷൻ ഡയറക്ടർ, മീഡിയ കമ്മീഷൻ ഡയറക്ടർ, ജാഗ്രത കമ്മീഷൻ ഡയറക്ടർ, കോട്ടപ്പുറം രൂപത മതബോധനം-ബൈബിൾ അപ്പോസ്തലേറ്റ് ഡയറക്ടർ ,കോട്ടപ്പുറം വികാസ് – അൽബർട്ടൈൻ ആനിമേഷൻ സെന്റർ ഡയറക്ടർ, വടക്കൻ പറവൂർ ജൂബിലി ഹോം ഡയറക്ടർ , രൂപത തിരുബാലസഖ്യം അൾത്താര ബാലസംഘടന ഡയറക്ടർ, കെഎൽസിഡബ്ല്യുഎ ഡയറക്ടർ, കുറ്റിക്കാട് – കൂർക്കമറ്റം സെന്റ് ആന്റണീസ് മൈനർ സെമിനാരി റെക്ടർ – ഇൻ- ചാർജ്, മണലിക്കാട് സെന്റ് ഫ്രാൻസിസ് അസീസി മൈനർ സെമിനാരി വൈസ് റെക്ടർ, ഗോതുരുത്ത് സെന്റ് സെബാസ്റ്റ്യൻ, കോട്ടപ്പുറം സെന്റ് മൈക്കിൾസ് കത്തീഡ്രൽ പള്ളികളിൽ സഹവികാരി എന്നീ നിലകളിൽ സേവനം ചെയ്തിട്ടുണ്ട്.
തത്വശാസ്ത്രത്തിൽ ബിരുദാനനന്തര ബിരുദവും പത്രപ്രവർത്തനത്തിൽ പോസ്റ്റ് ഗ്രാജ്വേറ്റ് ഡിപ്ലോമയും നേടിയിട്ടുണ്ട്. കോട്ടപ്പുറം രൂപതയിലെ ചാലക്കുടി ഹോളി ഫാമിലി ഇടവകയിൽ ആളൂരിലെ കളത്തിൽ വർഗ്ഗീസ് – കൊച്ചുത്രേസ്യ ദമ്പതികളുടെ മകനാണ്. 2003 ജനുവരി ഒന്നിനാണ് വൈദീകപട്ടം സ്വീകരിച്ചത്.
