തിരുവനന്തപുരം: പട്ടത്ത് ഗവർണർക്കെതിരേ കരിങ്കൊടി പ്രതിഷേധവുമായി എസ്എഫ്ഐ പ്രവർത്തകർ. ഡെന്‍റൽ കോളജിലേക്ക് പോയ ഗവർണറുടെ വാഹനം പട്ടം ജംഗ്ഷനിലെത്തിയപ്പോഴാണ് പ്രതിഷേധമുണ്ടായത്. പിന്നാലെ പ്രവർത്തകരെ പോലീസ് കസ്റ്റഡിയിലെടുത്തു. അതേസമയം, ഗവർണറുടെ വാഹനം പ്രതിഷേധക്കാർ തടഞ്ഞില്ല.
രാജ്ഭവനിൽ നിന്ന് മെഡിക്കൽ കോളജ് വരെയുള്ള യാത്രയിലും പ്രതിഷേധങ്ങളൊന്നുമുണ്ടായിരുന്നില്ല. വലിയ സുരക്ഷാ സന്നാഹമാണ് ഗവർണറുടെ സഞ്ചാരപഥത്തിൽ പോലീസ് ഒരുക്കിയിരുന്നത്.
