സർക്കാർ- ഗവർണ്ണർ പോര് :നി​ർ​ണാ​യ​ക വി​ധി​യു​മാ​യി സു​പ്രീം​കോ​ട​തി

ന്യൂഡൽഹി: സം​സ്ഥാ​ന നി​യ​മ​സ​ഭ പാ​സാ​ക്കി​യ ഒ​രു ബി​ൽ തീ​രു​മാ​ന​മെ​ടു​ക്കാ​തെ ഗ​വ​ർ​ണ​ർ ത​ട​ഞ്ഞു​വെ​ക്കു​ക​യാ​ണെ​ങ്കി​ൽ പു​നഃ​പ​രി​ശോ​ധ​ന​ക്കാ​യി തി​രി​ച്ച​യ​ക്ക​ണ​മെ​ന്ന് സു​പ്രീം​കോ​ട​തി ഉ​ത്ത​ര​വി​ട്ടു.രാ​ഷ്ട്ര​പ​തി നാ​മ​നി​ർ​ദേ​ശം ചെ​യ്യു​ന്ന പ്ര​തി​നി​ധി മാ​ത്ര​മാ​ണ് ഗ​വ​ർ​ണ​റെ​ന്നും സു​പ്രീം​കോ​ട​തി ഓ​ർ​മി​പ്പി​ച്ചു.

പ​ഞ്ചാ​ബ് സ​ർ​ക്കാ​ർ സ​മ​ർ​പ്പി​ച്ച ഹ​ർ​ജി​യി​ലാ​ണ് ചീ​ഫ് ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ ബെ​ഞ്ച് സു​പ്ര​ധാ​ന വി​ധി പു​റ​പ്പെ​ടു​വി​ച്ച​ത്.
സം​സ്ഥാ​ന​ത്തി​ന്‍റെ ഗ​വ​ർ​ണ​ർ തെ​ര​ഞ്ഞെ​ടു​ക്ക​പ്പെ​ടാ​ത്ത ത​ല​വ​നാ​ണ്. നി​യ​മ​സ​ഭ​യു​ടെ നി​യ​മ​നി​ർ​മാ​ണ അ​ധി​കാ​ര​ങ്ങ​ളെ അ​ട്ടി​മ​റി​ക്കാ​ൻ ഗ​വ​ർ​ണ​ർ​ക്ക് സാ​ധി​ക്കി​ല്ല-കോടതി വ്യക്തമാക്കി .
ബി​ല്ലു​ക​ൾ മു​ന്നി​ലെ​ത്തു​മ്പോ​ൾ അ​തി​ന് അ​നു​മ​തി ന​ൽ​കു​ക​യോ ത​ട​ഞ്ഞു​വെ​ക്കു​ക​യോ പ്ര​സി​ഡ​ന്‍റി​ന്‍റെ അ​ഭി​പ്രാ​യം തേ​ടു​ക​യോ ചെ​യ്യാം. ഭ​ര​ണ​ഘ​ട​ന അ​നു​ച്ഛേ​ദം 200 പ്ര​കാ​രം ത​ട​ഞ്ഞു​വെ​ക്കു​ന്ന ബി​ല്ലു​ക​ൾ ഉ​ട​ൻ നി​യ​മ​സ​ഭ​ക്ക് തി​രി​ച്ച​യ​ച്ച് മാ​റ്റ​ങ്ങ​ൾ നി​ർ​ദേ​ശി​ക്കാം.
ഈ ​മാ​റ്റ​ങ്ങ​ൾ വ​രു​ത്തി​യോ വ​രു​ത്താ​തെ​യോ നി​യ​മ​സ​ഭ ബി​ൽ പാ​സാ​ക്കി വീ​ണ്ടും ഗ​വ​ർ​ണ​ർ​ക്ക് സ​മ​ർ​പ്പി​ച്ചാ​ൽ നി​ർ​ബ​ന്ധ​മാ​യും ബി​ല്ലി​ന് അ​നു​മ​തി ന​ൽ​ക​ണ​മെ​ന്നും സു​പ്രീം​കോ​ട​തി ഉ​ത്ത​ര​വി​ട്ടു.