ബെംഗളൂരു: കര്ണാടകയിലെ യെലഹങ്കയില് സർക്കാർ കുടിയൊഴിപ്പിവര്ക്ക് വീട് ലഭിക്കാന് 5 ലക്ഷം രൂപ നല്കേണ്ടിവരില്ലെന്ന് സര്ക്കാര്. ബൈപ്പനഹളളിയില് ഫ്ളാറ്റിന് പണം നല്കേണ്ടിവരില്ലെന്ന് സര്ക്കാര് അറിയിച്ചു.
ജനറല് വിഭാഗത്തിന് സബ്സിഡിയായി 8.7 ലക്ഷം രൂപ നല്കും. എസ്സി/ എസ്ടി വിഭാഗത്തിന് സബ്സിഡിയായി 9.5 ലക്ഷം രൂപ നല്കാനും തീരുമാനമായി. ബാക്കി വരുന്ന തുകയ്ക്ക് വായ്പ സൗകര്യം ഒരുക്കാനും ധാരണയായി.
സംസ്ഥാന ഗവണ്മെന്റ് സബ്സിഡി കൂടാതെ കേന്ദ്ര സബ്സിഡിയും ലഭ്യമാക്കും. നേരത്തെ ബിബിഎംപി സബ്സിഡി മാത്രമാണ് പ്രഖ്യാപിച്ചിരുന്നത്. അഞ്ച് ലക്ഷം രൂപ നല്കും എന്നായിരുന്നു പ്രഖ്യാപനം. അര്ഹരായവരുടെ പട്ടിക നാളെ മുതല് തയ്യാറാക്കി തുടങ്ങും. ജനുവരി ഒന്ന് മുതല് ഫ്ളാറ്റുകള് കൈമാറി തുടങ്ങുമെന്ന് കര്ണാടക സര്ക്കാര് അറിയിച്ചു .
