തിരുവനന്തപുരം: സ്വതന്ത്ര മത്സ്യ തൊഴിലാളി ഫെഡറേഷൻ (SMTF)യുടെ കലാ–സാഹിത്യ–സാംസ്കാരിക വിഭാഗമായ “സംസ്ക്കാര”*യുടെ പ്രഖ്യാപനം ഫെഡറേഷൻ സംസ്ഥാന പ്രസിഡണ്ട് പി. സ്റ്റെല്ലസ് നടത്തി.
ഫെഡറേഷൻ സ്റ്റേറ്റ് ചീഫ് കോഓർഡിനേറ്റർ ഡോ. എഫ്‌.എം. ലാസർ അധ്യക്ഷത വഹിച്ചു.ചെയർമാനായി ആർട്ടിസ്റ്റ് ഡഗ്ളസ് വി. , കൺവീനർമാരായി ശ്രീമതി മരിയക്കുട്ടി ജസ്റ്റിനെയും ജോയ് എം. സക്കറിയയെയും നിയോഗിച്ചു.
തീരദേശവും ഉല്നാടൻ മേഖലയുമുളള മത്സ്യ തൊഴിലാളി സമൂഹത്തിലെ കലാ–സാംസ്കാരിക പാരമ്പര്യങ്ങളെ സംരക്ഷിക്കുകയും പ്രോത്സാഹിപ്പിക്കുകയും, പുതുതലമുറയിൽ സൃഷ്ടി ബോധം വളർത്തുകയും ചെയ്യുക എന്നതാണ് “സംസ്ക്കാര”യുടെ ലക്ഷ്യം.
സംഘം ആരംഭിക്കുന്ന ആദ്യഘട്ട പ്രവർത്തനങ്ങളായി തീരദേശ കലാകാരന്മാരെ കണ്ടെത്തി പ്രോത്സാഹിപ്പിക്കുന്ന “കലാസംഗമം”, സാംസ്കാരിക പഠന ക്യാമ്പുകൾ, മത്സ്യത്തൊഴിലാളികളുടെ ജീവിതാനുഭവങ്ങളെ ആസ്പദമാക്കിയ ഡോക്യുമെന്ററികൾ എന്നിവ ഉൾപ്പെടുത്തി.
തീരദേശ മേഖലകളിലെ ഫെഡറേഷൻ യൂണിറ്റുകളുമായി സഹകരിച്ച് ഈ പ്രവർത്തനങ്ങളുടെ ഔദ്യോഗിക ഉദ്ഘാടനം അടുത്ത മാസം തിരുവനന്തപുരത്ത് നടക്കുമെന്ന് ഭാരവാഹികൾ അറിയിച്ചു.
