വി​യ​റ്റ്നാ​മി​ൽ ബു​വ​ലോ​യ് ചു​ഴ​ലി​ക്കാറ്റിൽ 19 പേ​ർ മ​രി​ച്ചു; 21 പേ​രെ കാ​ണാ​നില്ല

ഹാ​നോ​യ്: വി​യ​റ്റ്നാ​മി​ൽ ബു​വ​ലോ​യിലുണ്ടായ ചു​ഴ​ലി​ക്കാറ്റിൽ വിവിധ അ​പ​ക​ട​ങ്ങ​ളി​ൽലായി 19പേ​ർ മ​രി​ച്ചു. 21 പേ​രെ കാ​ണാ​താ​യി.

തി​ങ്ക​ളാ​ഴ്ച​യാ​ണ് ബു​വ​ലോ​യ് ചു​ഴ​ലി​ക്കാ​റ്റ് ക​ര​തൊ​ട്ട​ത്. എ​ട്ടു​മീ​റ്റ​റോ​ളം ഉ​യ​ര​ത്തി​ൽ തി​ര​മാ​ല​ക​ൾ രൂ​പ​പ്പെട്ടുവെന്ന് ദേ​ശീ​യ കാ​ലാ​വ​സ്ഥാ നി​രീ​ക്ഷ​ണ​കേ​ന്ദ്രം അ​റി​യി​ച്ചു. ശ​ക്ത​മാ​യ കാ​റ്റി​ലും മ​ഴ​യി​ലും നി​ര​വ​ധി വീ​ടു​ക​ൾ ത​ക​ർ​ന്നു.

വി​വി​ധ​യി​ട​ങ്ങ​ളി​ൽ വൈ​ദ്യു​തി​ബ​ന്ധം ത​ക​രാ​റി​ലാവുകയും ക​ന​ത്ത​മ​ഴ​യി​ൽ പ​ല റോ​ഡു​ക​ളും വെ​ള്ള​ക്കെ​ട്ടി​ലാ​വുകയും ചെയ്തു . 245 വീ​ടു​ക​ളാ​ണ് ത​ക​ർ​ന്ന​ത്. 1,400 ഹെ​ക്ട​ർ വ​രു​ന്ന നെ​ൽ​ക്കൃ​ഷി​യും മ​റ്റ് കാ​ർ​ഷി​ക​വി​ള​ക​ളും ന​ശി​ച്ചു​വെ​ന്ന് ദു​ര​ന്ത​നി​വാ​ര​ണ ഏ​ജ​ൻ​സി​യു​ടെ റി​പ്പോ​ർ​ട്ടി​ലുണ്ട് .

ചു​ഴ​ലി​ക്കാ​റ്റ് ക​ര​തൊ​ടു​ന്ന​തി​ന് മു​ൻ​പ് വി​യ​റ്റ്‌​നാ​മീ​സ് ഗ​വ​ൺ​മെ​ന്റ് ജാ​ഗ്ര​താ​നി​ർ​ദേ​ശം പു​റ​പ്പെ​ടു​വി​ച്ചി​രു​ന്നു. ഇ​തി​ന്റെ ഭാ​ഗ​മാ​യി 28,500 ആ​ളു​ക​ളെ വി​വി​ധ​പ്ര​ദേ​ശ​ങ്ങ​ളി​ൽ​നി​ന്നാ​യി ഒ​ഴി​പ്പി​ച്ചു.

വി​മാ​ന​സ​ർ​വീ​സു​ക​ളെ​യും ചു​ഴ​ലി​ക്കാ​റ്റ് ബാ​ധിച്ചിട്ടുണ്ട് . ചു​ഴ​ലി​ക്കാ​റ്റ് ക​ര​തൊ​ടു​ന്ന​തി​ന്റെ ഭാ​ഗ​മാ​യി ശ​നി​യാ​ഴ്ച മു​ത​ൽ വി​യ​റ്റ്‌​നാ​മി​ൽ ക​ന​ത്ത​മ​ഴ പെ​യ്തി​രു​ന്നു. പ്ര​ള​യ​സാ​ധ്യ​ത​യും മ​ണ്ണി​ടി​ച്ചി​ൽ സാ​ധ്യ​ത​യും പരിഗണിച്ചാണ് ഗ​വ​ൺ​മെ​ൻറ് ജാ​ഗ്ര​താ​നി​ർ​ദേ​ശം പു​റ​പ്പെ​ടു​വി​ച്ച​ത്.