സോ​നം വാം​ഗ് ചു​കി​നെ ജോ​ധ​പു​രി​ലേ​ക്ക് മാ​റ്റി; പ്ര​തി​ഷേ​ധ സാ​ധ്യ​ത ക​ണ​ക്കി​ലെ​ടു​ത്തെ​ന്ന് വി​ശ​ദീ​ക​ര​ണം

ബിജെപിക്കെതിരെ പ്രതിഷേധിച്ച് കോൺഗ്രസ്സ്

ന്യൂ​ഡ​ൽ​ഹി: ല​ഡാ​ക്കി​ന് സം​സ്ഥാ​ന പ​ദ​വി ആ​വ​ശ്യ​പ്പെ​ട്ട് ന​ട​ന്ന സം​ഘ​ർ​ഷ​ത്തി​ന് പി​ന്നാ​ലെ അ​റ​സ്റ്റ് ചെ​യ്ത ആ​ക്ടി​വി​സ്റ്റ് സോ​നം വാം​ഗ് ചു​കി​നെ രാ​ജ​സ്ഥാ​നി​ലെ ജോ​ധ്പു​രി​ലേ​ക്ക് മാ​റ്റി.
സോനം വാങ്ചുകിനെ എൻ‌എസ്‌എ പ്രകാരം അറസ്റ്റ് ചെയ്തതിൽ ബിജെപി നേതൃത്വത്തിലുള്ള കേന്ദ്രസർക്കാരിനെ പ്രതിപക്ഷം രൂക്ഷമായി വിമർശിച്ചു . കേന്ദ്രഭരണ പ്രദേശമായ ലഡാക്കിൽ ക്രമസമാധാനം പാലിക്കുന്നതിൽ ബിജെപിയുടെ “അഗാധമായ പരാജയം” എന്നാണ് ഇതിനെ വിശേഷിപ്പിച്ചത്.

ലഡാക്കിലെ ജനങ്ങളെ വഞ്ചിച്ചതായി കോൺഗ്രസ് കമ്മ്യൂണിക്കേഷൻസ് ഇൻ-ചാർജ് ജയറാം രമേശ് ആരോപിച്ചു. “… കേന്ദ്രഭരണ പ്രദേശത്ത് ക്രമസമാധാനം പാലിക്കുന്നതിലും ജീവന്റെയും സ്വത്തിന്റെയും സുരക്ഷ ഉറപ്പാക്കുന്നതിലും ബിജെപി കാണിച്ച കടുത്ത പരാജയത്തിൽ നിന്ന് ശ്രദ്ധ തിരിക്കാനാണ് വാങ്ചുകിന്റെ അറസ്റ്റ് ചെയ്തത്… പ്രശ്നത്തിന്റെ കാതൽ വർഷങ്ങളായി ബിജെപി ലഡാക്കിലെ ജനങ്ങളെ വഞ്ചിച്ചു എന്നതാണ്,” ജയറാം രമേശ് പറഞ്ഞു. “2020 ലെ ലേ ഹിൽ കൗൺസിൽ തിരഞ്ഞെടുപ്പിൽ അവർ (ബിജെപി) പ്രദേശത്തിന് ആറാം ഷെഡ്യൂൾ പദവി വാഗ്ദാനം ചെയ്തു, പ്രതികാരബുദ്ധിയോടെ ആ വാഗ്ദാനം ഉപേക്ഷിച്ചു… മിസ്റ്റർ വാങ്ചുകിനെ അറസ്റ്റ് ചെയ്തുകൊണ്ട് മോദി സർക്കാരിന് ഈ പ്രശ്നങ്ങൾ ഇല്ലാതാക്കാൻ കഴിയില്ല.”

‌‌പ്ര​ദേ​ശ​ത്ത് നി​ല​നി​ൽ​ക്കു​ന്ന പ്ര​തി​ഷേ​ധ സാ​ധ്യ​ത ക​ണ​ക്കി​ലെ​ടു​ത്താ​ണ് സോ​ന​ത്തെ ജോ​ധ്പു​ർ ജ​യി​ലി​ലേ​ക്ക് മാ​റ്റി​യ​തെ​ന്നാ​ണ് അ​ധി​കൃ​ത​ർ അ​റി​യി​ക്കു​ന്ന​ത്. ല​ഡാ​ക്കി​ൽ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യ സം​ഘ​ട​ന​ക​ളു​മാ​യി കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യം ശ​നി​യാ​ഴ്ച ച​ർ​ച്ച ന​ട​ത്തും.

സോ​നം വാം​ഗ് ചു​കി​നെ പോ​ലീ​സ് ക​സ്റ്റ​ഡി​യി​ലെ​ടു​ത്ത​തി​ന് പി​ന്നാ​ലെ​യാ​ണ് സം​ഘ​ട​ന​ക​ളു​മാ​യി ആ​ഭ്യ​ന്ത​ര മ​ന്ത്രാ​ല​യം ച​ർ​ച്ച​യ്ക്ക് ത​യാ​റാ​യി​രി​ക്കു​ന്ന​ത്. എ​ന്നാ​ൽ വി​ഷ​യ​ത്തി​ൽ സോ​നം വാം​ഗ് ചു​കു​മാ​യി ആ​ഭ്യ​ന്ത​ര മ​ന്ത്രാ​ല​യം ച​ർ​ച്ച​യ്ക്ക് ത​യാ​റാ​യി​ട്ടി​ല്ല.