കൊച്ചി: ഉന്നത വിദ്യാഭ്യാസ മേഖലയിൽ ദീർഘകാലം പ്രിൻസിപ്പലായും , അധ്യാപകനയും സേവനം ചെയ്ത ഷെവ. പ്രൊഫ എബ്രഹാം അറക്കൽ അനുസ്മരണം ഫെബ്രുവരി 2 ഞായറാഴ്ച ഉച്ചയ്ക്ക് 2.30 നു ചേർത്തല സെന്റ് മൈക്കിൾസ് കോളേജിൽ നടക്കും.കേരള ലാറ്റിൻ കാത്തലിക്ക് അസോസിയേഷൻ ആണ് സംഘാടകർ .
ആലപ്പുഴ ജില്ലയിലെ സാംസ്‌കാരിക കൂട്ടായ്മയ്ക്ക് നേതൃത്വo നൽകിയ ഷെവ. പ്രൊഫ എബ്രഹാം അറക്കൽ, കേരള കത്തോലിക്കാ സഭയ്ക്കും ഒരു മുതൽക്കൂട്ട് ആയിരുന്നു.
കാത്തലിക് കൗൺസിൽ ഓഫ് ഇന്ത്യയുടെ വൈസ് പ്രസിഡൻ്റ്, ചർച്ച് ഹിസ്റ്ററി അസോസിയേഷൻ ഓഫ് ഇന്ത്യയുടെ അംഗം, സിബിസിഐയുടെ ദേശീയ ഉപദേശക സമിതി അംഗം, കേരള ലാറ്റിൻ കാത്തലിക് ഹിസ്റ്ററി അസോസിയേഷൻ്റെ വൈസ് പ്രസിഡൻ്റ് തുടങ്ങി നിരവധി സ്ഥാനങ്ങൾ അദ്ദേഹം വഹിച്ചിട്ടുണ്ട്.
‘സദ് വാർത്ത’ ദിനപത്രം ചീഫ് എഡിറ്റർ , ഗവൺമെൻ്റ് കോളേജ് ടീച്ചേഴ്‌സ് ഓർഗനൈസേഷൻ കേരള സ്ഥാപക പ്രസിഡൻ്റും സ്റ്റേറ്റ് ഇൻസ്റ്റിറ്റ്യൂട്ട് ഓഫ് ലാംഗ്വേജ് കേരള അംഗവും ആയി സേവനം ചെയ്തു .മഹാരാജാസ് കോളേജ്, പാലക്കാട് ഗവൺമെൻ്റ് വിക്ടോറിയ കോളേജ്, ചേർത്തല സെൻ്റ് മൈക്കിൾസ് കോളേജ് എന്നിവിടങ്ങളിൽ പ്രിൻസിപ്പലായും പ്രവർത്തിച്ചിട്ടുണ്ട് .
കേരളത്തിലെ ലത്തീൻ സഭയുടെ ഉന്നത അധികാര നയരൂപീകരണ സമിതിയായ കേരള റീജിയണൽ ലാറ്റിൻ കാത്തലിക്ക് കൗൺസിൽ ( KRLCC ) യുടെയും , കേരളത്തിലെ ലത്തീൻ കത്തോലിക്ക സമുദായത്തിന്റെ ഔദ്യോഗിക സംഘടനയായ കേരള ലാറ്റിൻ കാത്തലിക്ക് അസോസിയേഷൻ ( KLCA ) യുടെയും സ്ഥാപക നേതാക്കളിൽ പ്രമുഖനായിരുന്നു അദ്ദേഹം .ഷെവലിയാർ സ്ഥാനം നൽകി സഭ അദ്ദേഹത്തെ ആദരിച്ചു .
സമ്മേളനത്തിൽ KLCA സംസ്ഥാന പ്രസിഡന്റ്‌ അഡ്വ ഷെറി ജെ തോമസ് അധ്യക്ഷത വഹിക്കും . വിവിധ സഭ – സമുദായിക -രാഷ്ട്രീയ – സംസ്കാരിക നേതാക്കൾ പങ്കെടുക്കും . പ്രൊഫ. എബ്രഹാം അറക്കലിൻ്റെ ബന്ധുക്കളും , വിദ്യാർത്ഥികളും , സുഹൃത്തുക്കളും , അഭ്യൂദയകാംഷികളും പങ്കെടുക്കും .
