കൊച്ചി :വരാപ്പുഴ അതിരൂപതാംഗങ്ങളായ ഉന്നത വിദ്യാഭ്യാസം ചെയ്യുന്ന വിദ്യാർത്ഥികൾക്ക് സ്കോളർഷിപ് നൽകുന്നതിനായി നവദർശൻ പബ്ലിക് ചാരിറ്റബിൾ ട്രസ്റ്റിന്റെ കോർപ്പസ് ഫണ്ടിലേക്ക് സംഭാവന നൽകിയിട്ടുള്ള ഡോണർമാരുടെ വാർഷീകസമ്മേളനം നടന്നു .
വരാപ്പുഴ അതിരൂപത മെത്രാപോലീത്ത ഡോ. ജോസഫ് കളത്തിപ്പറമ്പിൽ അനുഗ്രഹ സംഭാഷണം നടത്തി. നവദർശന്റെ വിദ്യാഭ്യാസ പ്രവർത്തനങ്ങളിൽ ഡോണർമാർ നൽകുന്ന നിസീമ്മമായ പ്രോത്സാഹനത്തിനും അകമഴിഞ്ഞ സഹകരണത്തിനും ട്രസ്റ്റിന്റെ ചെയർമാനും കൂടിയായ ആർച്ച് ബിഷപ്പ് നന്ദി അർപ്പിക്കുകയും ഉപഹാരങ്ങൾ നൽകുകയും ചെയ്തു.
സമ്മേളനത്തിൽ ആർച്ച് ബിഷപ്പ് ജോസഫ് അട്ടിപ്പേറ്റി മെമ്മോറിയൽ ടീച്ചേർസ് അവാർഡുകൾ ആർച്ച് ബിഷപ്പ് സമ്മാനിച്ചു.
ആർച്ച് ബിഷപ്പ് ജോസഫ് അട്ടിപ്പേറ്റി മെമ്മോറിയൽ ടീച്ചേർസ് അവാർഡുകൾ നേടിയ അധ്യാപകർ ആർച്ച് ബിഷപ്പ് ഡോ.ജോസഫ് കളപ്പറമ്പിലിനൊപ്പം
ഈ വർഷം 2027 വിദ്യാർത്ഥികൾക്ക് 7299842/- രൂപ സ്കോളർഷിപ്പായി നൽകുമെന്ന് നവദർശൻ ഡയറക്‌ടർ ഫാ. ജോൺസൻ ഡിക്കുഞ്ഞ അറിയിച്ചു . നവദർശൻ അസ്സി. ഡയറക്‌ടർ ഫാ. ജോസഫ് പള്ളിപ്പറമ്പിൽ അഡ്വ. വി. എ ജെറോം എന്നിവർ പ്രസംഗിച്ചു . സമ്മേളനത്തിന് മുന്നോടിയായി മരിച്ചുപോയ ഡോണർമാരെ അനുസ്മരിച്ച് പ്രത്യേക ദിവ്യബലി അർപ്പിച്ചു.
