കുരീക്കാട് : കുരീക്കാട് സെൻറ് ജൂഡ് ദേവാലയത്തിൽ പുതിയതായി നിർമ്മിച്ച വൈദിക മന്ദിരവും വിശുദ്ധ യൂദാസ് ശ്ലീഹായുടെ ഹാളും നേർച്ച കഞ്ഞി തയ്യാറാക്കുന്നതിനുള്ള പാചകപ്പുരയും വരാപ്പുഴ അതിരൂപത മെത്രാപ്പോലീത്ത ഡോ.ജോസഫ് കളത്തിപറമ്പിൽ ആശിർവദിച്ചു.
രജത ജൂബിലി ആഘോഷങ്ങ ഒരുങ്ങുന്ന ദേവാലയത്തിൽ പുതുതായി നിർമ്മിച്ച വിശുദ്ധ യൂദാശ്ലീഹായുടെ ഹോളിൽ പുണ്യവാളൻ്റെ തിരുസ്വരൂപ പ്രതിഷ്ഠയും
പിതാവ് നടത്തി. വരാപ്പുഴ അതിരൂപത ചാൻസലർ ഫാ. എബിജിൻ അറക്കൽ, ഫെറോനാ വികാരി ഫാ. ഫ്രാൻസിസ് സേവിയർ താന്നിക്കപറമ്പിൽ, ജുഡീഷ്യൽ വികാരി ഫാ. ലിക്സൺ അസ്വവസ് എന്നിവരോടൊപ്പം അനേകം വൈദികരും സിസ്റ്റേഴ്സും സന്നിഹിതരായിരുന്നു.
ഇടവക വികാരി ഫാ. ലിജോ ഓടത്തക്കൽപരിപാടികൾക്ക് നേതൃത്വം നൽകി. കോൺട്രാക്ടർ സിറിൽ കുറുന്തോടത്താണ് നിർമ്മാണ പ്രവർത്തനങ്ങൾ നടത്തിയത്.
