കൊച്ചി: യുവജനങ്ങൾ നിസ്സംഗത വെടിഞ്ഞ് ഊർജ്ജസ്വലതയോടെ രംഗത്തിറങ്ങണമെന്ന് ആലപ്പുഴ രൂപത മെത്രാൻ ഡോ. ജെയിംസ് ആനാംപറമ്പിൽ . കെ.സി.വൈ. എം ലാറ്റിൻ സംസ്ഥാന സമിതിയുടെ 11-ാമത് വാർഷിക അസംബ്ലി കൊച്ചി രൂപതയുടെ ആതിഥേയത്വത്തിൽ
തോപ്പുംപടി ഔവർ ലേഡീസ് കോൺവെന്റ് ഗേൾസ് ഹൈസ്കൂളിൽ ഉദ്ഘാടനം,നിർവ്വഹിച്ചു സംസാരിക്കുകയായിരുന്നു അദ്ദേഹം . കെ.സി.വൈ.എം ലാറ്റിൻ സംസ്ഥാന പ്രസിഡന്റ് കാസി പൂപ്പന അദ്ധ്യക്ഷത വഹിച്ചു. കൊച്ചി രൂപത അഡ്മിനിസ്ട്രേറ്റർ മോൺ. ഷൈജു പര്യാത്തുശ്ശേരി അനുഗ്രഹപ്രഭാഷണം നടത്തി.
കെ.ആർ. എൽ.സി.സി ജനറൽ സെക്രട്ടറി ഫാ. തോമസ് തറയിൽ, കെ.സി.വൈ.എം സംസ്ഥാന ഡയറക്ടർ ഫാ. സ്റ്റീഫൻ തോമസ് ചാലക്കര, കെ.സി.വൈ.എം സംസ്ഥാന പ്രസിഡന്റ് എം.ജെ ഇമ്മാനുവൽ, കെ.എൽ.സി.എ സംസ്ഥാന പ്രസിഡന്റ് അഡ്വ. ഷെറി ജെ. തോമസ് എന്നിവർ സന്നിഹിതരായിരുന്നു. സംഘടനാ പ്രവർത്തനത്തിലെ അഭിമാനബോധവും ആത്മസംതൃപ്തിയും എന്ന വിഷയത്തെ ആസ്പദമാക്കി കെ.സി.വൈ.എം മുൻ സംസ്ഥാന പ്രസിഡന്റ് ഷാജി ജോർജ് ക്ലാസ് നയിക്കുകയും ചെയ്തു. കേരളത്തിലെ പന്ത്രണ്ട് ലത്തീൻ രൂപതകളിലെയും യുവജനപ്രതിനിധികൾ പങ്കെടുത്തു.
കെ.സി.വൈ.എം ലാറ്റിൻ സംസ്ഥാന ഡയറക്ടർ ഫാ. ജിജു ജോർജ് അറക്കത്തറ, വൈസ് പ്രസിഡന്റ്മാരായ അനുദാസ് സി.എൽ, മീഷ്മ ജോസ്, സെക്രട്ടറി മാനുവൽ ആൻ്റണി, അലീന ട്രീസ, കെ.സി.വൈ.എം കൊച്ചി രൂപത ഡയറക്ടർ ഫാ. മെൽട്ടസ് കൊല്ലശ്ശേരി, ജോയിന്റ് ഡയറക്ടർ ഫാ. ജോഷി ഏലശ്ശേരി, കോ-ഓർഡിനറ്റർമാരായ ജെയ്ജിൻ ജോയ്, യേശുദാസ് വിപിൻ, അന്ന സിൽഫ, ഡാനിയ ആൻ്റണി, ഫ്രാൻസിസ് ഷിബിൻ എന്നിവർ നേതൃത്വം നൽകി.
