കൊച്ചി: കെ.സി.വൈ.എം കെ.സി.വൈ.എം കൊച്ചി രൂപതയുടെ സിൻഡിക്കേറ്റ് അംഗങ്ങളുടെ യോഗം തോപ്പുംപടി കാത്തലിക്ക് സെന്ററിൽ വച്ച് നടത്തപ്പെട്ടു. കെ.സി.വൈ.എം കൊച്ചി രൂപത പ്രസിഡന്റ് യേശുദാസ് വിപിൻ പതാക ഉയർത്തുകയും യോഗത്തിന് അദ്ധ്യക്ഷത വഹിക്കുകയും ചെയ്തു.
കെ.സി.വൈ.എം മുൻ സംസ്ഥാന ജനറൽ സെക്രട്ടറി ക്രിസ്റ്റി ചക്കാലക്കൽ യോഗം ഉത്ഘാടനം ചെയ്തു..രൂപതയിൽ പ്രസ്ഥാനം നേരിടുന്ന വെല്ലുവിളികളെയും പ്രതിസന്ധികളെയും ഒരേ മനസ്സോടെ തരണം ചെയ്ത് വരുന്ന സുവർണ്ണ ജൂബിലി ഏറ്റവും മനോഹരമാക്കാൻ ഓരോ പ്രവർത്തകരും പ്രവർത്തിക്കണമെന്ന് അഭിപ്രായപ്പെട്ടു .
ജനറൽ സെക്രട്ടറി ജെയ്ജിൻ ജോയ് രൂപത വാർഷിക റിപ്പോർട്ടും ട്രഷറർ ഫ്രാൻസിസ് ഷിബിൻ കണക്കും അവതരിപ്പിച്ചു. ഡയറക്ടർ ഫാ.മെൽറ്റസ് കൊല്ലശ്ശേരി,ജോയിന്റ് ഡയറക്ടർ ഫാ. ജോഷി ഏലശ്ശേരി, കെ.സി.വൈ.എം ലാറ്റിൻ സംസ്ഥാന പ്രസിഡന്റ് കാസി പൂപ്പന,വൈസ് പ്രസിഡന്റ് ഡാനിയ ആന്റണി, സെക്രട്ടറി വരുൺ റെജു,അലീഷ ട്രീസ,സനൂപ് ദാസ്, ലോറൻസ് ജിത്തു എന്നിവർ സംസാരിച്ചു.
