ടെഹ്‌റാന്‍ : ഹെലികോപ്‌ടര്‍ തകര്‍ന്നുണ്ടായ അപകടത്തില്‍ ഇറാനിയന്‍ പ്രസിഡന്‍റ് ഇബ്രാഹിം റൈസി കൊല്ലപ്പെട്ടതായി സ്ഥിരീകരണം. ഇറാന്‍ റെഡ് ക്രസന്‍റ് സൊസൈറ്റിയാണ് പ്രസിഡന്‍റിന്‍റെ മരണം സ്ഥിരീകരിച്ചത്. ഹെലികോപ്‌ടറില്‍ ഒപ്പമുണ്ടായിരുന്ന വിദേശകാര്യ മന്ത്രിയും മരിച്ചതായി സ്ഥിരീകരിച്ചു.
ഹെലികോപ്‌ടര്‍ അപകടത്തില്‍ പെട്ട മേഖലയില്‍ രക്ഷാപ്രവര്‍ത്തകര്‍ എത്തിയിരുന്നെങ്കിലും റൈസിയേയോ മറ്റുള്ളവരെയോ കണ്ടെത്താനായിരുന്നില്ല. അതേസമയം ഹെലികോപ്‌ടറിന്‍റെ അവശിഷ്‌ടങ്ങള്‍ കണ്ടെത്തിയിരുന്നു. പൂര്‍ണമായി കത്തി നശിച്ച നിലയിലായിരുന്നു ഹെലികോപ്‌ടര്‍. ഇറാന്‍ മാധ്യമങ്ങളും പ്രസിഡന്‍റിന്‍റെ മരണം സ്ഥിരീകരിച്ചു.
