നാഗ്പൂർ:ഞങ്ങൾ തയ്യാറാണ് എന്ന മുദ്രാവാക്യമുയർത്തി ലോക്സഭ തിരഞ്ഞെടുപ്പിന് തുടക്കം കുറിച്ച് കോൺഗ്രസിന്റെ മഹാറാലി ഇന്ന് നാഗ്പൂരിൽ. 139 -ാം സ്ഥാപക ദിനത്തിൽ നടക്കുന്ന റാലിയിൽ കോൺഗ്രസ് അധ്യക്ഷൻ മല്ലികാർജുൻ ഖർഗെ, സോണിയ ഗാന്ധി, രാഹുൽ ഗാന്ധി അടക്കമുള്ള നേതാക്കൾ പങ്കെടുക്കും.
ആർഎസ്എസിന്റെ ആസ്ഥാനം സ്ഥിതി ചെയ്യുന്ന നാഗ്പൂരിൽ നടക്കുന്ന യാത്രയ്ക്ക് രാഷ്ട്രീയ പ്രധാന്യം ഏറെയാണ്. ഹിന്ദി ഹൃദയ ഭൂമിയിൽ നടന്ന തിരഞ്ഞെടുപ്പിൽ ഏറ്റ പരാജയത്തിൽ നിന്ന് പ്രവർത്തകരെ ഉത്തേജിപ്പിക്കുക എന്ന ലക്ഷ്യം കൂടി റാലിക്കുണ്ട്. കോൺഗ്രസ് – എൻസിപി- ശിവസേന ഉദ്ദവ് പക്ഷം ഒരുമിച്ച് മത്സരിക്കുന്ന മഹാരാഷ്ട്രയിൽ പാർട്ടി ശക്തി പ്രകടനം കൂടി റാലി കൊണ്ട് കോൺഗ്രസ് ലക്ഷ്യം വെക്കുന്നു. രാവിലെ ഡൽഹിയിലെ കോൺഗ്രസ് ആസ്ഥാനത്ത് പതാക ഉയർത്തും.
