ഉത്തർപ്രദേശ് :ഹൽദി ആഘോഷത്തിനിടെ മതിൽ ഇടിഞ്ഞു വീണ് ആറ് പേർ മരിച്ചു. ഉത്തർപ്രദേശിലെ മൗ ജില്ലയിലാണ് അപകടം ഉണ്ടായത്. ഇന്നലെ വൈകുന്നേരത്തോടെയായിരുന്നു അപകടം നടന്നത്. അപകടത്തിൽ അഞ്ച് സ്ത്രീകളും ഒരു കുട്ടിയും മരിച്ചു. അപകടത്തിൽ 21 പേർക്ക് പരുക്കേറ്റു.
ചെറിയ വീടുകൾ തിങ്ങിനിറഞ്ഞ പ്രദേശത്തെ ചുറ്റമതിൽ ആണ് ഇടിഞ്ഞുവീണത്. ചെണ്ടമേളങ്ങൾക്ക് പിന്നാലെ ഇടവഴിയിലൂടെ സ്ത്രീകൾ ഘോഷയാത്രയായി നടന്നു വരുന്നതിനിടെയാണ് അപകടം ഉണ്ടായത്. പരിക്കേറ്റവരെ ആശുപത്രിയിൽ ഉടൻ തന്നെ പ്രവേശിപ്പിച്ചു. കൂടുതൽ വിവരങ്ങൾ ലഭ്യമല്ല .
