ആംസ്റ്റർഡാം: പുതുവത്സര രാത്രിയിലുണ്ടായ വൻതീപിടിത്തത്തിൽ ആംസ്റ്റർഡാമിലെ 150 കൊല്ലം പഴക്കമുള്ള പള്ളി കത്തിനശിച്ചു. നഗരത്തിലെ പ്രധാന പാർക്കുകളിലൊന്നിൽ സ്ഥിതി ചെയ്യുന്ന വിനോദസഞ്ചാരികളുടെ ആകർഷണ കേന്ദ്രമായ വോണ്ടൽചർച്ചിൽ പുലർച്ചെയാണ് തീപ്പിടിത്തമുണ്ടായത്. 1872-ലാണ് ഈ പള്ളിയുടെ നിർമ്മാണപ്രവർത്തനം പൂർത്തിയായത്.
വ്യാഴാഴ്ച രാവിലെ തന്നെ വോണ്ടൽകെർക്ക് പള്ളിയിൽ പിടുത്തമുണ്ടായതിനെത്തുടർന്ന് ആംസ്റ്റർഡാമിലെ താമസക്കാരെ വീടുകളിൽ നിന്ന് ഒഴിപ്പിച്ചു. 1880 പണിത അറിയപ്പെടുന്നതും ഒരു ജനപ്രിയ വിനോദസഞ്ചാര കേന്ദ്രവുമായ ഈ ദേവാലയത്തിൽ വെടിക്കെട്ട് ഉണ്ടായതായി സംശയിക്കുന്നതായി പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു. കെട്ടിടത്തിലൂടെ തീജ്വാലകൾ വേഗത്തിൽ പടരുന്നതും തീ അണയ്ക്കാൻ അഗ്നിശമന സേനാംഗങ്ങൾ പ്രവർത്തിക്കുന്നതായും ദൃശ്യങ്ങളിൽ കാണാം.
ഹോളണ്ടിലെ ഏറ്റവും പ്രശസ്തരായ വാസ്തുശില്പികളിൽ ഒരാളായ പിയറി കുയ്പേഴ്സാണ് പള്ളി രൂപകൽപ്പന ചെയ്തത്, അദ്ദേഹമാണ് ആംസ്റ്റർഡാമിലെ റിജ്ക്സ്മ്യൂസിയത്തിന്റെയും സെൻട്രൽ സ്റ്റേഷന്റെയും ചുമതല വഹിച്ചിരുന്നതും. ഏറ്റവും ഒടുവിൽ കച്ചേരികൾക്കും മറ്റ് പരിപാടികൾക്കും വേണ്ടിയും പള്ളി ഉപയോഗിച്ചിരുന്നു.
