ദൈവത്തിന്റെ സ്ത്രീയുടെ വാഴ് വില്‍ സ്വര്‍ഗം ആനന്ദിക്കുന്നു:
കര്‍ദിനാള്‍ സെബാസ്റ്റ്യന്‍ ഫ്രാന്‍സിസ്
(ലെയോ പതിനാലാമന്‍ പാപ്പായുടെ പ്രതിനിധിയായി കര്‍ദിനാള്‍ സെബാസ്റ്റ്യന്‍
ഫ്രാന്‍സിസാണ് നവംബര്‍ എട്ടാം തീയതി വല്ലാര്‍പാടം ബസിലിക്കയില്‍ മദര്‍
ഏലീശ്വയെ വാഴ്ത്തപ്പെട്ടവളായി പ്രഖ്യാപിക്കുന്ന ചടങ്ങില്‍ മുഖ്യകാര്‍മികത്വം വഹിക്കുന്നത്.
മലേഷ്യയില്‍ പെനാങ്ങിലെ റോമന്‍ കത്തോലിക്ക രൂപതയുടെ മെത്രാനാണ് മലയാളി വേരുകളുള്ള ഡോ. സെബാസ്റ്റ്യന്‍ ഫ്രാന്‍സിസ്. ഒല്ലൂര്‍ മേച്ചേരി കുടുംബാംഗമാണ് പിതാവ് ജോസഫ് ഫ്രാന്‍സിസ്. തൃശൂര്‍ കൊള്ളന്നൂര്‍ കുടുംബാംഗമായ മേരിയാണ് അമ്മ. 1890കളില്‍ തൃശൂരിലെ ഒല്ലൂരില്‍നിന്ന് മലയ എന്ന് അറിയപ്പെട്ടിരുന്ന ഇന്നത്തെ മലേഷ്യയിലേക്ക് കുടിയേറിയവരാണ് മലേഷ്യയിലെ രണ്ടാമത്തെ കര്‍ദിനാളിന്റെ അപ്പൂപ്പനും അമ്മൂമ്മയും.
ഡോ. സെബാസ്റ്റ്യന്‍ ഫ്രാന്‍സിസ് ജനിച്ചത് സിംഗപ്പൂരിന് അടുത്ത് മലയ ഫെഡറേഷന്റെ ഭാഗമായിരുന്ന ജോഹര്‍ ബാഹ്രുവിലാണ്. 2012 ജൂലൈയില്‍ ബെനഡിക്റ്റ് പതിനാറാമന്‍ പാപ്പാ അദ്ദേഹത്തെ പെനാങ് രൂപതാ മെത്രാനായി നിയമിച്ചു. ഫ്രാന്‍സിസ് പാപ്പാ 2023 ജൂലൈയില്‍ കര്‍ദിനാളായി ഉയര്‍ത്തി.
മദര്‍ ഏലീശ്വയെ വാഴ്ത്തപ്പെട്ടവളായി പ്രഖ്യാപിക്കുന്ന ആഘോഷവേളയില്‍
ജീവനാദത്തിലൂടെ കര്‍ദിനാള്‍ സെബാസ്റ്റ്യന്‍ ഫ്രാന്‍സിസ് കേരളസഭയ്ക്ക്
നല്‍കുന്ന പ്രത്യേക സന്ദേശം:
പ്രിയ ദൈവജനമേ, കര്‍ത്താവിലുള്ള പ്രത്യാശയുടെ ആശംസകള്‍!
‘നമ്മുടെ ആഗ്രഹത്തിന്റെ ഏക വിഷയം ‘തമ്പുരാന്‍’ എന്ന മൂന്ന് അക്ഷരങ്ങള്‍
മാത്രമായിരിക്കണം.’ ഈ ഉദ്ധരണിയിലൂടെ, മദര്‍ ഏലീശ്വ നമ്മുടെ നിലനില്‍പ്പിന്റെയും ദൗത്യത്തിന്റെയും മുഴുവന്‍ ഉദ്ദേശ്യവും സംഗ്രഹിക്കുന്നു. സാധാരണ രീതികളിലൂടെ ദൈവത്തെയും മനുഷ്യത്വത്തെയും സ്നേഹിക്കാനും സേവിക്കാനും ആഗ്രഹിക്കുന്ന ഒരു ഹൃദയത്തില്‍ നിന്ന് വരുന്ന അവരുടെ ലാളിത്യവും ആധികാരികതയും നമുക്ക് അനുകരിക്കാനുള്ള ഒരു സാക്ഷ്യമാണ്.
സൃഷ്ടി, മനുഷ്യത്വം, ചരിത്രം എന്നിവയ്ക്ക് ഉപരിയായി മനുഷ്യത്വമെന്നത് ദൈവത്തിന്റെ പ്രാഥമികതയിലേക്ക് മടങ്ങേണ്ടതുണ്ട്. മദര്‍ ഏലീശ്വയുടെ ജീവിതം ഉള്‍ക്കൊള്ളുന്ന മുദ്രാവാക്യം ഇതായിരുന്നു:
‘ക്രിസ്തുവിനോടുള്ള അഭിനിവേശവും മനുഷ്യത്വത്തോടുള്ള അനുകമ്പയും.’
ക്രിസ്തുവിനോടുള്ള അഭിനിവേശത്തില്‍ കുര്‍ബാനയോടുള്ള സ്നേഹം, പരിശുദ്ധ
മറിയത്തോടും ജപമാലയോടും ഉള്ള സ്നേഹം, ദരിദ്രരോടുള്ള (ദുര്‍ബലരോടുള്ള)
സ്നേഹം എന്നിവ ഉള്‍പ്പെടുന്നു.
മനുഷ്യരാശിയോടുള്ള അനുകമ്പയില്‍, പ്രത്യേകിച്ച് കുട്ടികള്‍, രോഗികള്‍, ദുര്‍ബലര്‍ എന്നിവര്‍ ഉള്‍പ്പെടുന്നു, ആരെയും ഒഴിവാക്കാതെ, എല്ലാ ആത്മാക്കളുടെയും, പ്രത്യേകിച്ച് ദൈവത്തിന്റെ കരുണ ഏറ്റവും ആവശ്യമുള്ളവരുടെയും രക്ഷയില്‍ ശ്രദ്ധാലുവായിരിക്കുക. പരിശുദ്ധ കന്യകാമറിയത്തിന്റെ സദ്ഗുണങ്ങളാല്‍ നിറഞ്ഞ മദര്‍ ഏലീശ്വ തീര്‍ച്ചയായും ‘എല്ലാ ഋതുക്കളുടെയും സ്ത്രീയാണ്.’ വിശ്വാസത്തില്‍ വേരൂന്നിയ,
ബോധ്യത്താല്‍ നയിക്കപ്പെടുന്ന, സ്നേഹത്തില്‍ ഉദാരമതിയായ ഒരു സ്ത്രീ എന്ന
നിലയില്‍, ദൗത്യത്തിന്റെ തുടര്‍ച്ചയില്‍ ജീവിതത്തിലെ നിരവധി വെല്ലുവിളികളെ അതിജീവിക്കുന്നതിലും മറികടക്കുന്നതിലും മദര്‍ ഏലീശ്വ ശ്രദ്ധ കേന്ദ്രീകരിച്ചു, അവയില്‍ ചിലത് നമുക്ക് വ്യക്തിപരമായി അനുഭവിക്കാനാകും.
പരിശുദ്ധ ലെയോ പതിനാലാമന്‍ പാപ്പയെ പ്രതിനിധീകരിച്ച് മദര്‍ ഏലീശ്വയുടെ വാഴ്ത്തപ്പെട്ട പദവിയുടെ ഈ സന്തോഷകരമായ ആഘോഷത്തില്‍ അധ്യക്ഷത വഹിക്കാന്‍
അവസരം ലഭിച്ചത് ഒരു പുണ്യ നിയോഗമായി ഞാന്‍ കരുതുന്നു. എന്റെ പൂര്‍വ്വികരുടെ നാട്ടില്‍, ഇന്ത്യയിലെ കേരളത്തില്‍, വിശുദ്ധ പദവിയിലേക്കുള്ള മദര്‍ ഏലീശ്വയുടെ ജീവിതത്തെക്കുറിച്ച് ധ്യാനിക്കാനും ആഘോഷിക്കാനും, പ്രത്യാശയുടെ ഈ ജൂബിലി വര്‍ഷത്തിലെ എന്റെ വ്യക്തിപരമായ തീര്‍ത്ഥാടനം അവരുടെ സ്മൃതികുടീരത്തില്‍ അവസാനിപ്പിക്കാനും സാധിച്ചതില്‍ ഞാന്‍ സന്തുഷ്ടനാണ്.
സാര്‍വത്രിക സഭയ്ക്കും എല്ലാ മനുഷ്യവര്‍ഗത്തിനും വേണ്ടി മറ്റൊരു ‘ദൈവത്തിന്റെ സ്ത്രീ’ക്കായി സ്വര്‍ഗ്ഗം നമ്മോടൊപ്പം സന്തോഷിക്കുന്നു. പരിശുദ്ധ കന്യകാമറിയത്തിന്റെ മദര്‍ ഏലീശ്വ നമുക്കെല്ലാവര്‍ക്കും നല്‍കിയ സമ്മാനത്തിനും അനുഗ്രഹത്തിനും പ്രാര്‍ഥനയോടെ കൈകള്‍ കൂപ്പി, ഞങ്ങള്‍ ദൈവത്തെ സ്തുതിക്കുകയും നന്ദി പറയുകയും ചെയ്യുന്നു. ദൈവത്തിന് എല്ലാ മഹത്വവും സ്തുതിയും ഉണ്ടാകട്ടെ! ക്രിസ്തുവില്‍ ഐക്യത്തോടെ,
കര്‍ദിനാള്‍ സെബാസ്റ്റ്യന്‍ ഫ്രാന്‍സിസ്
