കുമ്പളങ്ങി : കൊച്ചി രൂപതയിലെ കുമ്പളങ്ങി സെന്റ് പീറ്റേഴ്‌സ് ദേവാലയം മുന്നൂറ്റിമൂന്നു വിശുദ്ധരെ അണിനിരത്തിക്കൊണ്ട് ലോക റെക്കോർഡിൽ ഇടം നേടി. ഇന്നലെ ഇടവകയിൽ നടന്ന ‘സാങ്ക്തി നോബുസ്‌കും’ (വിശുദ്ധർ നമ്മോടു കൂടെ) എന്ന് പേരിട്ട അഞ്ച് മണിക്കൂറോളം നീണ്ടു നിന്ന പരിപാടിയിൽ ആണ് ഇടവകയിലെ മതബോധന വിഭാഗം വിശുദ്ധരായി വേഷം ഇട്ടതു.
ഇടവക സ്ഥാപിതമായിട്ട് നൂറ്റിഅമ്പതു വർഷങ്ങൾ (1875 – 2025പൂർത്തിയായതിന്റെ ജൂബിലി ആഘോഷങ്ങളുമായി ബന്ധപ്പെട്ടാണ് ബെസ്ററ് ഓഫ് ഇന്ത്യയും ആയി ഒരുമിച്ചു ചേർന്ന് ‘സാങ്ക്തി നോബുസ്‌കും’ സംഘടിപ്പിച്ചത്. ഇടവകയിലെ മതബോധന അധ്യാപകരും വിദ്യാർതിഥികളും ഒരുമിച്ചു ചേർന്നാണ് വിശുദ്ധരോട് സാമ്യം ഉള്ള മുന്നൂറ്റി മൂന്നു പേരെ വിശുദ്ധരായി അണിനിരത്തിയത്. ലോകത്ത് തന്നെ ആദ്യമായിട്ടാണ് ഇത്തരത്തിൽ വിശുദ്ധരോട് സാമ്യം ഉള്ള വസ്ത്ര ധാരണത്തോടെ ഇത്രയധികം പേർ ഒരുമിച്ചു ചേരുന്നത്.
