നെയ്യാറ്റിൻകര: നെയ്യാറ്റിൻകര ഇന്റഗ്രൽ ഡവലപ്മെന്റ് സൊസൈറ്റിയും ഫെഡറൽ ബാങ്കും സംയുക്തമായി 05-11-2025 ബുധനാഴ്ച ഉച്ചയ്ക്ക് 02.30 ന് ലോഗോസ് പാസ്റ്ററൽ സെൻ്ററിൽ സ്വയം സഹായ സംഘാംഗങ്ങൾക്ക് ‘3 കോടി രൂപയുടെ മൈക്രോ ക്രഡിറ്റ് വായ്പ മേള-2025’ സംഘടിപ്പിച്ചു.
നെയ്യാറ്റിൻകര രൂപത വികാരി ജനറലും നിഡ്സ് പ്രസിഡൻ്റുമായ റൈറ്റ് റവ. മോൺ. ഡോ.ക്രിസ്തുദാസ് തോംസൺ അദ്ധ്യക്ഷത വഹിച്ച യോഗം മുൻ നിഡ്സ് പ്രസിഡൻ്റ് റൈറ്റ് റവ. മോൺ. ജി.ക്രിസ്തുദാസ് ഉദ്ഘാടനം ചെയ്തു.
ശുശ്രൂഷ കോ-ഓഡിനേറ്റർ മോൺ. വി.പി.ജോസ്, നിഡ്സ് ഡയറക്ടർ ഫാ. ക്രിസ്റ്റഫർ യെശയ്യ, വിദ്യാഭ്യാസ ശുശ്രൂഷ ഡയറക്ടർ ഫാ. രാഹുൽ ബി. ആൻ്റോ, ഡെപ്യൂട്ടി വൈസ് പ്രസിഡൻ്റ് & സോണൽ സെയിൽസ് ഹെഡ് തിരുവനന്തപുരം /എഡ്വിൻ എ.ജി., ഡെപ്യൂട്ടി വൈസ് പ്രസിഡൻ്റ് & റീജിയണൽ ഹെഡ് തിരുവനന്തപുരം ശ്രീ.രാജഗോപാൽ, നെയ്യാറ്റിൻകര ഫെഡറൽ ബാങ്ക് ചീഫ് മാനേജർ ശ്രീമതി നിഷ മേരി തോമസ്, കമ്മീഷൻ സെക്രട്ടറി റവ.ഫാ. ക്ലീറ്റസ്, നിഡ്സ് പ്രോജക്ട് ഓഫീസർ ശ്രീ. എ.എം മൈക്കിൾ, പ്രോഗ്രാം കോ-ഓഡിനേറ്റർ ശ്രീമതി അഗസ്റ്റീന, മേഖല ആനിമേറ്റർ ശ്രീ. അഭിലാഷ് ആൻ്റണി, ശ്രീമതി ലീല മോഹർ എന്നിവർ സംസാരിച്ചു.
തിരഞ്ഞെടുത്ത 40 സ്വയംസഹായ സംഘാംഗങ്ങൾക്ക് വായ്പ വിതരണം ചെയ്തു.
