പാലക്കാട് : സുൽത്താൻപേട്ട് രൂപത മതബോധന-ബൈബിൾ കലോത്സവം പാലക്കാട് സെന്റ്. സെബാസ്റ്റ്യൻ കത്തീഡ്രൽ അങ്കണത്തിൽ നടന്നു. രൂപതാധ്യക്ഷൻ ബിഷപ് അന്തോണിസ്വാമി പീറ്റർ അബിർ കലോൽസവം ഉദ്ഘാടനം ചെയ്തു.
മതബോധന ഡയറക്ടർ ഫാ. ബെൻസിഗർ സിൽവദാസൻ നേതൃത്വം നൽകി. വികാരി ജനറൽ മോൻസിഞ്ഞോർ മരിയ ജോസഫ്, പ്രോക്യൂറേറ്റർ ഫാ. ആന്റണി സേവ്യർ പയസ് എന്നിവർ സന്നിഹിതരായിരുന്നു.
രൂപതയിലെ 34 മതബോധനകേന്ദ്രങ്ങളിൽ നിന്നായി 14 മൽസരയിനങ്ങളിലായി ആയിരത്തോളം വിദ്യാർത്ഥി-വിദ്യാർത്ഥിനികൾ പങ്കെടുത്തു. വിവിധ ഇടവകളിൽ നിന്നുള്ള വൈദികരും, സന്യസിനികളും, ഇരുന്നൂറോളം അധ്യാപകരും പങ്കെടുത്തു.
