കാട്ടാക്കട: കൊച്ചു ത്രേസ്യയുടെ വിശ്വാസ സാക്ഷ്യം കാരുണ്യത്തിൻ്റെയും അനുസരണയുടെയുമായിരുന്നെന്നും കത്തോലിക്കാസഭയിൽ പിതാവും മാതാവുമുൾപ്പെടെയുള്ള കൊച്ചു ത്രേസ്യയുടെ കുടുംബം വിശുദ്ധരായതിൻ്റെ പിന്നിൽ കുടുബത്തിൻ്റെ വിശ്വാസ പൈതൃകവും ഉണ്ടെന്നും പ്രതിപക്ഷനേതാവ് വിഡി സതീശൻ പറഞ്ഞു. തൂങ്ങാംപാറ വിശുദ്ധ കൊച്ചുത്രേസ്യ ദൈവാലയത്തിൽ ശതാബ്‌ദി തിരുനാളിന്റെ ഭാഗമായി ലിറ്റിൽവെ സംഘടിപ്പിച്ച അസോസിയേഷൻ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം .
ഇടവക വികാരി ഫാ. ജോയി മത്യാസ് അധ്യക്ഷത വഹിച്ചു.
മദർ മേരി പനക്കൽ, സിസ്റ്റർ മരിയ, സിസ്റ്റർ ഡയാന, ഇടവക കമ്മറ്റി അംഗങ്ങളായ ഡൊമനിക് സേവ്യർ, സത്യനേശൻ, പ്രകാശി തുടങ്ങിയവർ പങ്കെടുത്തു.
തുടർന്ന് നടന്ന ലിറ്റിൽവെ സംഗമ റാലിയിൽ നൂറുകണക്കിന് കുട്ടികൾ പങ്കെടുത്തു. റാലിയിൽ കൊച്ചു ത്രേസ്യ വേഷധാരികളും പങ്കെടുത്തു.
