കോട്ടപ്പുറം : ഓഗസ്റ്റ് പത്തിന് തൃശൂരിൽ നടക്കുന്ന ഇന്ത്യാസ് മാർച്ച് ഫോർ ലൈഫിന്റെ മുന്നോടിയായി കെ. സി. ബി. സി. സംസ്ഥാന സമിതിയുടെ നേതൃത്വത്തിൽ നടത്തുന്ന ജീവസംരക്ഷണ കേരള യാത്രയ്ക്കു കോട്ടപ്പുറം രൂപതയിൽ പറവൂർ ഡോൺ ബോസ്കോ നഴ്സിംഗ് സ്കൂളിലും കോട്ടപ്പുറം സെൻറ്. മൈക്കിൾസ് കത്തീഡ്രലിലും സ്വീകരണം നൽകി.
കെ. സി. ബി. സി. ഫാമിലി കമ്മീഷൻ്റെയും പ്രോ-ലൈഫ് സമിതിയുടെയും ഡയറക്ടർ റവ. ഡോ.. ക്ലീറ്റസ് കതിർപറമ്പിൽ, പറവൂർ ഡോൺ ബോസ്കോ ആശുപത്രി അസോസിയേറ്റ് ഡയറക്ടർ റവ. ഫാ. ഷിബിൻ കൂളിയത്ത്, കോട്ടപ്പുറം സെൻറ്. മൈക്കിൾസ് കത്തീഡ്രൽ വികാരി ഫാ. ജാക്സൺ വലിയപറമ്പിൽ, പറവൂർ ഡോൺ ബോസ്കോ പള്ളിവികാരി ഫാ. ജോയ് കല്ലറക്കൽ, പറവൂർ സെൻറ്. ജോസഫ് കൊത്തലംഗോ പള്ളി വികാരി ഫാ. ആൻറണി റെക്സൻ പിൻ്റോ, പ്രോ-ലൈഫ് സംസ്ഥാന ജനറൽ സെക്രട്ടറി ജെയിംസ് ആഴ്ചങ്ങാടൻ, സംസ്ഥാന വൈസ് പ്രസിഡൻറ് ഫ്രാൻസിസ് ജെ ആറാടന്‍, കോട്ടപ്പുറം രൂപത ഫാമിലി അപ്പോസ്തലേറ്റ് ഡയറക്ടർ ഫാ. നിമേഷ് അഗസ്റ്റിൻ കാട്ടാശ്ശേരി എന്നിവർ പ്രസംഗിച്ചു.
കോട്ടപ്പുറം രൂപത കിഡ്സ് ഡയറക്ടർ ഫാ. പോൾ തോമസ് കളത്തിൽ, കോട്ടപ്പുറം രൂപത കാറ്റിക്കിസം ഡയറക്ടർ ഫാ. സിജോ വേലിക്കകത്തോട്ട് , മടപ്ലാതുരുത്ത് സെൻ്റ് ജോർജ് പള്ളി വികാരി ഫാ. ജോസ് കോട്ടപ്പുറം, ഡോൺ ബോസ്കോ നഴ്സിംഗ് സ്കൂൾ പ്രിൻസിപ്പൽ സിസ്റ്റർ പ്രിയ, പറവൂർ സെൻറ്. തെരേസ സ്ക്രില്ലി കോൺവെൻറ് സിസ്റ്റേഴ്സ്, കോട്ടപ്പുറം സെൻറ്. ആൻസ് കോൺവെൻറ് സിസ്റ്റേഴ്സ്, കോട്ടപ്പുറം സ്നേഹാലയ കോൺവെൻറ് സിസ്റ്റേഴ്സ്, കോട്ടപ്പുറം രൂപത പ്രോ-ലൈഫ് അംഗങ്ങൾ, കോട്ടപ്പുറം രൂപത കെഎൽസിഡബ്ല്യുഎ അംഗങ്ങൾ, കോട്ടപ്പുറം രൂപത കരിസ്മാറ്റിക് പ്രാർത്ഥന ഗ്രൂപ്പ് അംഗങ്ങൾ, വിവിധ ഇടവക പ്രതിനിധികൾ എന്നിവർ പങ്കെടുത്തു.
