ബെനഡിക്ട് പാപ്പായുടെ ഇടവക വികാരിയായതില്പരം ഭാഗ്യം വേറെയെന്തു വേണം? ജര്മനിയിലെ ബവേറിയായില് പാപ്പായുടെ മാതൃഇടവകയായ മാര്ട്ടല് പള്ളിയില് വികാരിയച്ചന് ഒരു മാസത്തെ അവധിക്കുപോയപ്പോള് ആ ചുമതല നിര്വഹിക്കാനുള്ള ഭാഗ്യം എനിക്കു കിട്ടി. പിന്നീട് വത്തിക്കാനില് വച്ച് പാപ്പായെ കണ്ടപ്പോള്, മാര്ട്ടല് പള്ളിവികാരിയുടെ ചുമതല വഹിച്ചുവെന്ന് സ്വയം പരിചയപ്പെടുത്തിയപ്പോള്, അദ്ദേഹം ആശംസകള് നേര്ന്നതും സുഖവിവരം അന്വേഷിച്ചതും ഇന്നുമോര്ക്കുന്നു. 1998ല് വിശുദ്ധ ജോണ് പോള് രണ്ടാമന് പാപ്പായുടെ കാലത്തു ചേര്ന്ന ഏഷ്യന് ബിഷപ്സ് സിനഡില് സെക്രട്ടറിയായി പ്രവര്ത്തിച്ചപ്പോള് അന്ന് കര്ദിനാളായിരുന്ന റാറ്റ്സിങ്റുമായി കൂടുതല് ഇടപെടാന് സാധിച്ചു.
പരിശുദ്ധ സിംഹാസത്തിലേക്ക് തിരഞ്ഞെടുക്കപ്പെട്ടതിനു ശേഷം 2006 സെപ്റ്റംബറില് ബെനഡിക്ട് പാപ്പാ മാതൃഇടവകയായ മാര്ട്ടല് പള്ളി സന്ദശിച്ചപ്പോള് എനിക്കും ക്ഷണം കിട്ടി. പള്ളിയില് ഏറ്റവും മുന്നിരയില് എനിക്ക് ഇടവും ലഭിച്ചു. പാപ്പാ അന്നു ഹസ്തദാനം ചെയ്യുന്ന ദൃശ്യം ജര്മന് ടിവി സംപ്രേഷണം ചെയ്തിരുന്നു. അന്നത്തെ കൂടികാഴ്ച്ചക്കുശേഷം ഇന്നും ഒരു നിധി പോലെ കൊണ്ടുനടക്കുന്നത് മാര്ട്ടല് ഇടവക എനിക്ക് സമ്മാനമായി നല്കിയ ബെനഡിക്ട് പാപ്പായുടെ മാമോദീസ രേഖപ്പെടുത്തിയ ഇടവക രജിസ്റ്ററിന്റെ കോപ്പിയാണ്.
Trending
- ജസ്റ്റിസ് ജെ ബി കോശി കമ്മീഷൻ റിപ്പോർട്ട്: കെ.എൽ.സി.എ ജാഗ്രതാ സമിതി രൂപീകരിക്കുന്നു
- നവീകരിച്ച കോട്ടപ്പുറം ബിഷപ്പ്സ് ഹൗസും, അഡ്മിനിസ്ട്രേറ്റീവ് ബ്ലോക്കും ആശീർവ്വദിച്ചു
- കാത്തിരിപ്പിന് വിരാമം : ലത്തീൻ കത്തോലിക്കാ സർട്ടിഫിക്കറ്റ്; 1947 മാനദണ്ഡം ഒഴിവാക്കി സർക്കാർ
- തൊട്ടതെല്ലാം പൊന്നാക്കി കൊച്ചിക്കാരൻ മൈക്കൾ ജോ ഫ്രാൻസിസ് .
- ‘ദി ബ്ലൂ ട്രെയില്’
- ലിയോ പാപ്പാ ഓസ്ട്രിയൻ പ്രസിഡന്റുമായി കൂടിക്കാഴ്ച നടത്തി
- നിരായുധീകരണത്തിനും സമാധാനത്തിനും വേണ്ടി ലിയോ പാപ്പായുടെ പ്രാർത്ഥന
- യുദ്ധം ലെബനിലേക്കും വ്യാപിക്കുന്നു: യുദ്ധ ബാധിതരെ ചേർത്തു പിടിച്ച് ലെബനീസ് സഭ
Add A Comment
